وجه نقي وصافي فحال لمراية



 غادي تشروا حلبة بلدية طحنوها وتغربلوها وتخلطوها مع دانون مسوس  او حليب ار عسل المهم غديروها ماسك للوجه 30 دقيقة وتغسلوها ومن بعد دهنوا بقطن فيه ماء الورد الاصلي لمقطر تتكون ريحتوا مجهدة راه غزال
تبعوا الوصفة مجربة وغزااالة ونتيجة رائعة


2

عندنا : الغاسول وكل وحدة فينا بطبيعة الحال كتعرفو موجود بكترة
وكذلك الليمون يعني الحمض
ودبا الطريقة : كنخدو شويا من الغسول ء قياس منديرو فوجهنا ء كنديروه فإناء ونعصرو عليه نصف حامضة ويلا شفت لغسول مزال مبغا يدوب زيدي عليه شوية دلما دافي وخليه شوية حتى يتجانس الخليط ويدوب لغسول
ومن ناحية بللي بشرة وجهكي بما دافي ء هدي نقطة مهمة متحطيش لخليط على بشرة ناشفة ء ودهني لخليط فوجهك وحتى عنقك وخليه حتى يبدا ينشف غير تحسي وجهك بدا يتكمش ء هو دغيا كينشف على لوجه ء بداي تفزكي يدك وتماسي وجهك بحركات دائرية حتى تحسي بديك لحبيبات ديال لغسول كينقيولك لمساماث وغسليه من بعد بما دافي أو من الأحسن بارد ودهني وجهك بقطة فيها ماء ورد … أنا كنكون موجدة قطعة ثلجية ديال مغلي لمعدنوس هدي رآآآائعة حتى هي لتصفية لوجه يلا كان عندك ليتراس مرريها على وجهك بحركات دائرية
للإشارة أن الوصفة تصلح حتى لجسم بما فيه الظهر والصدر بنفس الطريقة كتحيد لحبوب ولي تراس تمآآما مع لمداومة
والنيجة صفاء وبياض ونضارة وعن تجررربة المواد كلها طبيعية ومن أحسن المواد لي وافقتني وأكيد توافق كل بشرة دهنية