أغلب أنواع الشعر العادي والجاف والدهني والمختلط تعاني من القشرة وبعدم الاهتمام والعناية بتزيد هالمشكلة وللقشرة أنواع في قشرة دهنية بتكون صغيرة الحجم وأكثر شي بتكون في البنات اللي بشرتهم دهنية وفي قشرة جافة بتكون زي الكتل ومعها حكة شديدة وأكثر شي بتكون في البنات اللي بشرتهم جافة وعادية. .وعشان تقليل مشكلة القشرة تجنبي الإكثار من أكل الدهنيات والمكسرات 👌
.
تجنبي استعمال شامبوهات بتكون فيها احماض مثل الكبريت ولازم نتعلم كلنا نقراء مكونات اي منتج✔
كثرة تغطية الشعر تزيد القشرة والوراثة تلعب دور مهم في ظهور القشرة ..
عدم تنظيف الفرش والامشاط وممكن تجي لك من بعض اغراض الصالونات القذرة الامشاط والفرش وغيرها عشان كدا لازم تاخذي اغراضك عند الصالون من فرش وغيرها مش كلهم يعقمون الادوات . .

من أفضل العلاجات عشان تخف وتنتهي القشرة هو استخدام شامبوهات تحتوى البايريثيون والسلينيوم ودي مواد مضادة لقشرة الشعر وعندك أفضل شامبو هو سل سن بلو وشامبو نيزورال متوفر في الصيدليات الكبيرةاغسلي شعرك بماء مخلوط بخل التفاح مرتين في الاسبوع اشطفي شعرك بماء مخلوط بالليمون مفيدة للقضاء ع قشرة الشعر

طريقة غسل الشامبو اتركي ع شعرك لمدة 5 إلى 10 دقايق بعد كدا اغسلي ولاتنسى تنظيف الامشاط.. حلول طبيعية لمشكلة القشرة خل التفاح اخلطي مع موية وحطي في بخاخ وبخي مع التدليك ع كامل الشعر خلي لمدة 15 دقيقة او 10 واغسلي مرتين في الاسبوع نبتة الصبار خذي الهلام الموجود فيه ودلكي الفروة وممكن تحطي بالليل وتنامي والصباح تغسلي ممتاز لعلاج القشرة .. الحلبة ممتازة خذي ملعقتين وانقعيهم في موية ليلة كاملة وثاني يوم دلكي فيه فروة راسك وخلي 30 دقيقة واغسلي كرري مرتين في الاسبوع
وبرضوا من الحلول تعملي تدليك لفروة راسك واحسن زيوت هي زيت الزيتون أو زيت اللوز الحلو أو زيت اكليل الجبل أو زيت شجرة الشاي عند العطارين والطريقة تدفي واحد من هذي الزيوت وتفركي كامل الشعر وبعد كدا تلفي منشفة دافية واتركي 15 دقيقة واغسلي شعرك .. وسمعت عن تجربة بنات ل اوراق النيم تنقعي ليلة كاملة في موية وثاني يوم حطي ع فروة الرأس وخلي 30 دقيقة واغسلي شعرك. .