تعالوا ف البوست ده هنتكلم ف حاجات كتير وهتعجبكوا 😘😘🙊 وهتموتو من الضحك
ممكن المخطوبه تشوف كمان
السنجل امشي بعيد 😉🙊🙊لكل المتجوزين ❤❤ 😂😂😂
خوخة 👇
بصي يابنتي هنفرض انكم بتحبو بعض يعني 😂
هاقولك كام نصيحة اللي تحوطيهم حلقة في ودانك😂
والله والله والله اي راجل فالدنيا زي الطفل بالظبط ❤
كلمة تجيبه وكلمة توديه 😉 بالهدوء والحنية 😍
1-احتوي الطفل اللي جواه 😉❤️ بالرفق واللين والمودة والمحبة 😂 لو منفعش يبقي زي ابنك بردو بالشبشب وتحرميه من المصروف 😂
2-حايليه لما يتنيل يزعل 😂 ابو شكله فالارض 😡
3-حاولي ترضيه وماتزعليهوش أينعم هو غبي بس معلش عشان خاطري انا 😂
4-ماتنيمهوش زعلان منك هو اينعم المفروض يتفلق بس بردو انتي الكبيرة 😉 وخليكي دلوعة بلاش جو الغفر دا
5-اعمليله مفاجأة كل شوية .. هو مايستاهلش انا عارفة بكرشه ده بس معلش احنا متربيييين 😂😂
6-ماتتلكيكلوش عالواحدة سيبيه مش لازم كل ربع ساعة انت فين وعملت ايه خلاص هو بيزهق سيبيه شويا هتلاقي هو ال كل شويا يكلمك وبيطمن عليكي 😂
7-شوفي هو بيحب ايه واعمليهوله بعيد عن انه مابيطمرش فيه بس احنا ولاد ناس 😂😂
8-عشان خاطري انا ابقي قوليله كلمتين حلوين في اخر اليوم هو بردو زي اخوكي قصدي بني ادم وبيحب يرتاح اخر اليوم ويختمها بيكي خليكي بنت اصول مش بومة زيه😁 وادلعي يا ماما عشان خاطري انا اتدلعي الرجالة بيحبو البنت الدلوعة او المايصة بردو ميضرش
9-ماتقارنيهوش بأي شاب تاني عشان ماتهينيش رجولته هو اقرع وبكرش وداير بالفانلة على طول عارفة والله بس معلش اهو ضل راجل بردو 😂
10- متعمليلوش سبانخ .. السبانخ متعمليهالوش 😂👌 الا لو مارضيش يوديكي عند امك ارزعيهاله ليل نهار 💃
11- ماتطلبيش فلوس كتير .. راعي انه طالع عينه فالشغل ومتقلقيش كدا كدا هاتجيبيه عالحديدة وهاتشحتو عند باب السيده مع بعض بس واحده واحده عشان مايتخضش 😂💃
12- ماتبصيش لجوز اختك جاب ايه لاختك والمنيل مجابلكيش انتي حاجة ماكفايه هو نفسه معاكي ابتلاء من ربنا وهتدخلي الجنة حدف 💃
13- مافيش مانع لما يدخل ينام تسيبيه يرتاح ماتقلقيهوش هو تعبان وشقيان ❤️ بس اول مايصحي طلعي عينه وخلصي حقك اول بأول وممكن ترقديله واخر الاسبوع سففيه التراب بقا 😂😜
14- قبل مايدخل البيت ممكن تحطي اي برفيوم حلو مالهوش ذنب يجيي يلاقي ريحتك سيرلاك وبامبرز 😂 اديله هو العيل خليها تبقي ريحته هو 💃💃
15- البسي لبس شيك وحلو قدامه بلاش جو الشحاتين اللي بتعمليه دا لا خليكي انيقه حتي لو هتاخدي مرتبه كله علي لبسك عادي مش هايقدر يتكلم ماهو كله رايحله فالاول والاخر 👊👊
16- فوكي الكحكة ابوس ايد امك سيبي شعرك الرجاله بتحب الشعر السايب دا وان دخل فعينه ولا بوئو عادي يتعمي المهم تبقي انتي عملتي اللي عليكي 😂💃
17- بطلي رغي عشان انا شخصيا بتعصب منه النصيحة دي عشاني انا 😂
18- ماتفتشيش في موبايله سيبيه هو اصلا مافيش كلبه هاتعبرو 😂 وان عبرته هانجيب خبرهم هما الاتنين في خشبه واحده 👌
19- ممكن لما يروح تكوني مجهزاله الحمام ياخد شاور دا في حاله انه مراضيكي فلازم تريحيه اما لو مزعلك هنجهز نفس الدوش بس هانحوط بدل المية والمعطر مية نار تاخد الركب بالسمانة وتسييح .. عاهة مستديمة وش يعني 😂💃💃💃
20- احجزولي في اي مستشفي ابوس ايدكو عشان اللي هايتعمل فيا بعد البوست ده 😂😂💃💃💃
كنتم مع خبيرة العاطفة والاحساس 😁
21- للمرة الالف اتدلعي انتي انثى والله وجميله بكل ما فيكي حتي لو بكرش انتي انثى وحلوة خليكي دلوعة بقا ف كلامك وضحكتك